Për një kohë të gjatë, në mediat rozë qarkulloi lajmi se Rudina Dembacaj është ndarë nga partneri. Mëngjesin e sotëm, aktorja e ka pranuar se është drejt divorcit, pavarësisht se nuk kishte lënë gjë pa thënë për mediat që kishin shkruar rreth kësaj ndarjeje.

Në një intervistë për ‘Wake Up’ mëngjesin e sotëm, Rudina e ka konfirmuar ndarjen, duke zbuluar të tjera detaje.

“Kemi hapur një padi që në qershor. Jemi në porçes divorci. Unë dhe Aleksi kemi një mrekulli që quhet Viktoria, por është e vërtetë që po divorcohemi”, ka thënë Dembacaj. Për një kohë të gjatë u aludua për këtë të vërtetë, por disa gjeste si nga ana e Rudinës, ashtu dhe nga Aleksi linin vend të dyshohej për të kundërtën.

Çifti kanë kaluar gati tre vite martesë sëbashku, ndërsa aktorja duket se tani ka marrë vendimin për ta bërë publik një lajm të tillë.