Ariana Grande është një ndër artistet më të komentuara të momentit. Edhe pse në jeteën e saj personale nuk po përjeton periudhën e saj më të mirë, nga ana profesionale mund të themi që po korr suksese të njëpasnjëshme.

Së fundmi ajo ka publikuar një tjetër këngë të titulluar ‘Monopoly’ në bashkëpunim me Victoria Monet, e cila ka si tematikë biseksualitetin. “Më pëlqejnë femrat dhe meshkuj, Punoj kaq shumë, kam nevojë për një binjak”, është një pjesë e tekstit që Ariana Grande këndon. Kaq ka mjaftuar që fansat të mendojnë se këngëtarja i referohet vetes dhe se mund të jetë biseksuale.

“Nëse Ariana është biseksuale dhe kjo është mënyra e saj për ta zbuluar, atëherë jam krenare për të. Nëse nuk është, atëherë faleminderit për himnin e biseksualëve”, ka qenë ky një ndër komentet e fansave të këngëtares.