Faza në grupe e Ligës së Kampioneve do të ketë si protagonistë Elseid Hysajn dhe Valon Ahmedin, skuadrat e të cilëve janë kualifikuar sot pas ndeshjeve të kthimit të play-off të turneut.

Napoli mundi me rezultatin 2-0 Nicën në fushën e kësaj të fundit, duke u treguar dominuese ndaj emrave si Baloteli dhe Shnajder të skuadrës franceze. Mbrojtësi shqiptar luajti gjatë të gjithë takimit.

Ndërkohë, Ahmedi u kualifikua me Mariborin, duke kaluar izraelitët e Hapoel Ber Shevës. Goli i Viler në fillimin e ndeshjes mjaftoi që skuadra e mesfushorit shqiptar të arrinte në futbollin e rëndësishëm europian falë rregullit të golit jashtë fushe.

U kualifikua dhe skuadra e drejtuar nga Besnik Hasi, Olimpiakos, e cila fitoi 1-0 në transfertë me Rijekan.

Rezultatet

Astana-Celtic 4-3

Maribor-Hapoel Ber Sheva 1-0

Nice-Napoli 0-2

Rijeka-Olimpiakos 0-1

Sevilja-Bashakshehir 2-2