Sa të ngjashme!

Koleksioni më i fundit nga Chanel, i prezantuar ditën e djeshme në Paris dhe i titulluar "The Modernity of Antiquity", kishte referenca nga antikiteti i lashtë grek. Përpos shfaqjes dhe veshjeve të jashtëzakonshme (siç vetë Lagerfeld di t'i krijojë), diçka tjetër kapi syrin e mprehtë të ekspertëve të modës dhe të vetë atij, Stefano Gabbana.

Nëse shihni me kujdes sandalet, ato janë kaq të ngjashme me sandalet e koleksionit Pranverë/ Verë 2014 nga Dolce & Gabbana. Ok, kanë ndryshimet e veta si taka e Dolce-s është si kolonat e stilit jonik kurse ajo e Chanel ka dekorin dorik dhe lidhëset gladiator. Megjithatë, nuk ka ndonjë ndryshim të madh apo diçka që nuk e kishim parë më parë, apo jo Karl?!