Kudo që të jetë Chris Brown, e ndjekin telashet nga prapa. Ky i rradhës është me të vertetë serioz, pasi reperi akuzohet se ka kërcënuar një grua me armë mëngjesin e 30 gushtit.

Gruaja e cila mendohet të jetë aktore, ka telefonuar 911-ën, policinë, dhe këta të fundit menjëherë kanë shkuar pranë shtëpisë së Chris në Tarzana LA, ku këngëtari ka hedhur një çantë në të cilën ishte një armë dhe drogë, e duke u thënë oficerëve të policisë “hajde më kapni”.

Policia ka rrethuar shtëpinë e tij 4 milion dollarëshe dhe po pret një urdhër hyrje në banesë, pasi Breezy nuk ua ka hapur derën.

I lodhur nga kjo situatë, Brown ka postuar një video në Instagram, ku thotë se sapo është zgjuar me tingujt e helikopterëve mbi shtëpinë e tij, dhe se është shumë i lodhur për të bashkëpunuar me policinë. Nuk e dimë se si do t’i shkojë halli kësaj pune, por Chris duket me të vertetë në telashe.