Bashkimi Evropian do të shpërbëhet në disa zona me interes, kurse Kontinenti i vjetër do të përballet me ndarje të madhe në tri sfera për shkak të faktorit ekonomik, kulturor, dhe fetar! Ekspertët theksojnë duhet të merret seriozisht ky parashikim duke rikujtuar se CIA në mesin e viteve tetëdhjetë paralajmëroi për shpërbërjen e ish-Jugosllavisë. Sipas disa mediave kosovare, CIA dhe organizata joqeveritare amerikane "Stratfor" kanë parashikuar se BE-ja e sotme, së shpejti nuk do të ekzistojë dhe do të ndahet në disa grupe në: Evropën e vjetër, Evropën e re në aleancë me SHBA-në dhe aleancën midis vendeve ortodokse!

 

Blloku perëndimor apo Evropa e vjetër do të përbëhet nga - Franca, Gjermania, Britania e Madhe, Austria, Spanja, Portugalia, Italia, Suedia, Norvegjia dhe Finlanda, pwraktwsisht Komuniteti Ekonomik Evropian (EEC), e cila deri në shpërbërjen e Paktit të Varshavës përbëhej nga 12 vendet e zhvilluara të Evropës Perëndimore.

 

Evropën e re do ta përbënin: Lituania, Estonia, Letonia, vendet e Grupit të Vishegradit, Sllovenia, Kroacia, e cila do të gjendet nën patronazhin ekonomik gjerman dhe atë ushtarak amerikan.

Blloku i tretë do të ishte një konfederatë Ballanike e formuar nga vendet ortodokse - Serbi, Rumani, Bullgari, Maqedoni dhe Greqi. Bosnja dhe Shqipëria do të bashkoheshin me këtë bllok.

 

Parashikime të ngjashme janë bërë edhe nga organizata joqeveritare amerikane 

"Stratfor".

Në këtë organizatë joqeveritare, besojnë se BE-ja së shpejti do të ndahet në dy pjesë: Perëndimin e pasur dhe një grup të vendeve të vogla në Evropën Qendrore aleate të SHBA-së.

Ata gjithashtu parashikojnë krijimin e një Unioni ortodoks. Kjo aleancë, siç thuhet do të jetë "bashkim i gazit", ku motivi kryesor i formimit të tij është paraja. Brexit dhe ardhja në krye të SHBA-ve e Donald Trumpit është parë si një përshpejtim i qartë dhe i parashikuar për shpërbërjen e BE-së.