Loredana u shpall disa ditë më parë artistja më e mirë zviceriane nga MTV. Mbi këtë çmim që mori reperja folën dhe çifti zvicerian, të cilët e kanë akuzuar atë se u ka vjedhur mijëra franga. “Gjithçka po shkon kaq ngadalë. Deri më tani nuk kemi marrë asnjë cent. Nëse do të më takonte mua, ajo kurrë nuk do të merrte një çmim të tillë. Por unë nuk mund ta ndryshoj atë ”, u shpreh bashkëshorti i znj. Petra. Fill pas kësaj deklarate, ka folur dhe Loredana. Në një intervistë për “SRF Virus”, ajo është shprehur se akuzave shumë shpejt do t’u vijë fundi. “Nuk është problemi im nëse njerëzit besojnë gjithçka që shkruhet. Për këtë arsye, unë vazhdoj t’i provokoj që të nxjerrin më shumë mllefin që kanë ndaj meje”, tha reperja.