Natyrisht që sukseset e mëdha janë paraprirë nga rreziqe po aq të mëdha dhe ndaj tyre është e ndjeshme dhe këngëtarja e talentuar. Vetë Dua Lipa e ka rrëfyer diçka të tillë në një postim që ka bërë në Facebook pak orë më parë. Ajo thotë se publikimi i videoklipit për super-hitin e saj “Blow Your Mind” ishte një nga gjërat më të frikshme që ka bërë gjatë këtij vitit. Megjithatë artistja 21 vjeçare tregon se kur e mendon në retrospektive nuk e kupton se pse u frikësua aq shumë. Dua Lipa deklaron se është shumë krenare që të gjithë e dashuruan këtë këngë po aq shumë sa ajo.