Kryeministri i Shqipërisë Edi Rama, ndonëse nuk doli live, përshëndeti përmes Facebook presidentin e ri të Amerikës, Donald Trump: (Facebook)

“Duke i uruar Presidentit Trump fitoren dhe te gjithe suksesin qe amerikanet dhe miqte e partneret e SHBA i urojnë atij vendi të madh“ shkruan në Facebook Kryeministri Edi Rama.

Ndërkohë 6 muaj më parë në një intervistë për CNN, Rama deklaronte...

Pyetja e gazetarit CNN:  Nëse do të zgjidhej si kandidat?

Përgjigja e kryeministrit Edi Rama: Do të dëmtonte shumë Amerikën dhe gjithë botën demokratike

Madje edhe paralajmërimit të gazetarit nëse po cenon kufijtë e etikës diplomatike duke komentuar zgjedhjen kreut të një shteti tjetër, Rama iu përgjigj me të njëjtin vetëbesim:

Përgjigja e kryeministrit Edi Rama: Nuk po komentoj zgjedhjet por po nge një shqetësim që kanë ngritur edhe lider të tjerë, pasi vetë Amerika është shumë herë me e madhe dhe më e rëndësishme se sa roli që ka vetëm për amerikanët

Ndërsa në zyrën e  Zërit të Amerikës gjatë të njëjtës vizitë Rama përfshiu në deklarata edhe rivalin e tij politik në Tiranëu shpreh:

Përgjigja e kryeministrit Edi Rama:  Nuk është problemi im, nëse Lulzim Basha, apo cilido qoftë tjetër mes meje e Trump, zgjedh Trump. Është problemi i tyre, unë nuk kam problem.

Të njëjtin qëndrimi i kryeministrit shqiptar e ka theksuar në një intervistë për gazetarin Baton Haxhiun ku u shpreh i gatshëm ta thotë shqip e anglisht se Donald Trump është kërcënim për Amerikën:

Përgjigja e kryeministrit Edi Rama për Klan Kosova: Mos e dhëntë zoti... do cenonte edhe marrëdhëniet Shqipëri-SHBA
Ndërsa përballë gazetarit Mustafa Nano provokimit për një Trump të mundshëm president i përgjigjet drejtpërdrejt:

Pyetja e gazetarit: ka gjasa të jetë president..

Përgjigja e kryeministrit Edi Rama për TEMA TV: nëse bëhet fatkeqësi i madh...

Pra urimi i kryeministrit vjen për një turp që po i ndodh Amerikës? Cila është e vërteta e qëndrimit te Edi Ramës. Mos ndoshta çelësin e të vërtetës e ka zëvendësi i tij Niko Peleshi i cili pretendon se nuk ka ndryshuar qëndrim Rama por vetë Tramp. Vetë Peleshi e mbron kështu:

Përgjigja e Zv/kryeministrit Niko Peleshi: Pra urimi i kryeministrit vjen  për një turp që po i ndodh Amerikës? Cila është e vërteta e qëndrimit te Edi Ramës. Fillimisht kryeministri nxori zëvendësin e tij, Niko Peleshi për të sqaruar situatën.

Më pas vetë Rama, në një konferencë për shtyp ka dhënë sqarimin e pritur që në orët e para të mëngjesit:

Përgjigja e kryeministrit Edi Rama: Më lejoni t’ju them se jam shprehur kundër për Trumpin si kandidat se më kanë prekur si shqiptar, qytetar dhe kryeministër deklaratat e tij për Kosovën, myslimanët dhe emigrantët. Nuk jam i vetmi, jam një pikë ujë në detin e deklaratave kundër tij. Sot ai është zgjedhur nga populli sovran, dhe ka respektin tim si kryeministër i këtij vendi, për popullin, për presidentin ashtu si edhe në kuadër të miqësisë dhe aleancës strategjike me SHBA që nuk mund të vihen në dyshim.