Claydee Lupa, nuk ka bërë për vete vetëm gjithë Shqipërinë e Greqinë, por popullaritetin e tij e ka zgjeruar edhe në mbarë Europën. Ai është një ndër artistet që shumë mirë mund ti themi “all inclusive”, pasi është këngëtar, tekstshkrues, producent, gjithashtu ka edhe kompaninë e tij “d2e”, në të cilën prodhon muzikë për artistë të ndryshëm.Vera erdhi dhe sigurisht nuk mund të mungonte edhe hiti i Claydee. I ka kënduar “Mamacita Buena-s”, ndërsa këtë herë ka menduar që këngën t’ia dedikojë dashurisë së humbur. Projekti i tij më i ri mban titullin “Alena” dhe është kënduar në gjuhën angleze e latine. Klipi i mrekullueshëm është xhiruar në bregdetin e ishujve përrallorë grek. Në klip është edhe Alex, vëllai i tij, i cili shpesh herë po bëhet pjesë e projekteve të Claydee.