Një i ri, frymëzuar nga Robin Hood ka hedhur para nga ballkoni i banesës ku rrinte. "Shi parash nga qielli", kështu është quajtur ajo që ka bërë një i riu në lagjen Sham Shui Po, një nga lagjet më të varfra të qytetit të Hong Kongut.

24 vjeçari Uong Çing Kit që njihet tashmë si “mjeshtër monedhash virtuale”, pasi ka një kompani që reklamon monedhat digjitale si Bitkoin, është falenderuar nga njerëzit që kanë grumbulluar paratë e hedhura nga ai, nga ndërtesa e një pallati. I riu mësohet se ka lëshuar nga ‘’qielli” rreth 25 mijë dollarë, me prerje 10-tshe.
“Unë doja qe njerëzit të kuptonin më mirë çdo të thotë Bitkoin” – tha Uong në një video të postuar në internet, “Doja të isha si Robin Hood”.

Por pavarësisht qëllimeve që ai mund të ketë pasur Uong Çing Kit u arrestua nga policia për prishje të rendit publik. E njohuritë që kërkonte të përcillte mesa duket nuk kanë qenë dhe aq të vlefshme, po të kemi parasysh së këtë fundvit Bitkoin ka humbur pothuajse 80% të vlerës.