Klauzola e tij është 190 milionë euro dhe Real Madrid duket të jetë i gatshëm për pagimin e saj. Po flasim për Neymar Jr që në prag të rinovimit me katalanët ka marrë propozimin për transferimin në kryeqytet. Për të parën herë dicka e tillë u fol në 27 Dhjetor në një konferencë shtypi me brazilianin.

Ai u përgjigj duke thënë se jeta është e gjatë dhe nuk i dihet asnjëherë. Ndërkohë në 11 Janar palët janë takuar në Gala-në e “Topit të Artë” në Zyrih. Babai i Neymar Jr nga njëra anë dhe një përfaqësues i shoqëruar nga avokatët e Real Madrid në anën tjetër.

Qëllimi një dhe i vetëm, prezantimi i dëshirës së presidentit Perez për blerjen e sulmuesit katalan. Aktualisht kryeqytetasit kanë shumë para për të shpenzuar lidhur me pezullimin e merkatos në Qershor të këtij viti dhe Janar 2017.

Por nëse kjo do të ndodhte, atëherë një nga Bale-Benzema-Cristiano do të largohej nga Bernabeu.

Këtu prapaskenat lidhen me njëra-tjetrën. Portugezi shihet si veteran dhe marrdhënia me tifozët nuk është më si më parë. Ancelotti e kërkon në Mynih, ndërsa Zizou nuk e fsheh admirimin për Neymar.

Në të njëjtën kohë braziliani është i 3 mes më të mëdhenjve dhe “Topi i Artë” është cështje kohe.

Mjafton kaq për ti dhënë statusin e numrit 1 në fushë dhe në financa. Aktualisht Messi paguhet 22.1 milionë euro, Cristiano 21 dhe 13.5 nuk mund ta kënaqin gjithnjë brazilianin që mund të ndërrojë ngjyrat kuqeblu për të bardhën.