Rrjetet sociale me të vërtetë kanë ndikime në jetën moderne dhe përtej avantazheve duket se anët negative po bëhen edhe më të tmerrshme.

Një 16-vjeçare u gjet e vdekur në një qytet të Malajzisë, pasi kishte hapur një sondazh në internet në instagram ku i pyeste ndjekësit nëse duhej të vetëvritej apo jo.

“Shumë e rëndësishme, më ndihmoni të zgjedh mes jetës apo vdekjes” kishte shkruar vajza në fillim.

69% e votuesve votuan që ajo të zgjidhte vdekjen.

Vajza kishte postuar një mesazh në Facebook ku kishte thënë: “U lodha. Dua t’i jap fund jetës.”

Vdekja e vajzës ka hapur debate të shumta në lidhje me kujdesin që jepet nga autoritetet për shëndetin mendor. Avokati i familjes së vajzës shpjegoi se përdoruesit që votuan në favor të vdekjes mund të akuzoheshin për nxitje të vetëvrasjes.

Në shkurt, Instagram, i ndaloi të gjitha botimet që nxisin vetëvrasjen ose vetë-gjymtimin.