Hamilton nuk e pati shumë të vështirë për të triumfuar pasi për këtë u “kujdes” skuteria e kokëkuqes, “Ferrari”. Italianët pësuan shumë avari në cirkuitin e Anglisë pasi fillimisht Kimi Raikonen iu desh të spostohej për t’i lënë vendin e dytë Bottas duke përfunduar i treti për shkak të shpërthimit të gomës së makinës, ndërsa për të njëjtën arsye edhe Vettel e përfundoi garën i shtati.

Me këtë fitore, Lewis Hamilton regjistron të 57 në karrierë dhe të katërtën radhazi në shtëpinë e tij, duke e vendosur emrin mes legjendave më të mëdha të Formula 1.

Pas garës së sotme renditjen e pilotëve e ndan vetëm një pikë, me gjermanin e “Ferrarit” Sebastian Vettel i cili mban kreun me vetëm 1 pikë diferencë me Lewis Hamilton, 177-176.