Zayn Malik dhe Gigi Hadid janë një ndër çiftet më të dashura të Hollywood-it. Ata janë rikthyer me njëri-tjetrin pas një periudhe ndarje por këtë herë për të mos u ndarë më kurrë. 

Mesa duket pikërisht ajo ndarje ka ndikuar pozitivisht tek ta për të kuptuar se e duan marrëzisht njëri-tjetrit.
Sipas mediave të huaja, Zayn Malik është gati të propozojë të dashurën e tij Gigi Hadid. “The Sun”ka shkruar se ai ka shumë dëshirë të ulet në gjunjë përpara modeles sepse kërkon t’i vërtetojë dashurinë që ka për të. Madje ai po mendon edhe martesën e cila do të jetë shumë sekrete dhe private.

Por çfarë mendon modelja Gigi Hadid?

Mediat britanike shkruajnë se Gigi nuk është shumë e sigurt nëse duhet të hedh këtë hap në jetën e saj. Burimi për “The Sun” ka shtuar se Gigi ia ka bërë të ditur këngëtarit se nuk është ende gati që të marrë këtë angazhim dhe të fejohen.

Epo Zayn nëse dëshiron që t’i provosh dashurinë tënde Gigi-t ka shumë mënyra të tjera, jo vetëm propozimi për fejesë.