Pak ditë më parë Cristiano Ronaldo dhe Georgina humbën njërin ndër binjakët që po prisnin, djalin. Lajmin zëmërthyes e bëri të ditur vetë futbollisti, me anë të një postimi në Instagram.

Fatmirësisht vajza e tyre është shëndoshë e mirë dhe së fundmi ka mbërritur në shtëpi. Cristiano ka publikuar në rrjete sociale një foto ku shfaqet me familjen e bashkuar dhe të porsalindurën në krahë.

“Shtëpi e ëmbla shtëpi! Gio dhe vajza jonë janë më në fund me ne. Duam t’ju falenderojmë të gjithëve për gjestet dhe fjalët e përzemërta! Mbështetja juaj është shumë e rëndësishme dhe ne e ndjemë dashurinë dhe respektin që keni për familjen tonë. Tani është koha të jemi mirënjohës për jetën e re që kemi mirëpritur në këtë botë", ka shkruar ai.