Reshjet e dendura të shiut kanë shkaktuar përmbytje të mëdha në Itali. Por banorët e Venecias kanë vijuar jetën të patrazuar edhe pse rrugët, lokalet e banesat janë përmbytur. Një video e publikuar nga Simone Sciascia tregon sesi klientët vazhdojnë të konsumojnë qetësisht drekën në një restorant në Venecia. Kamarierët shihen teksa ecin në ujin që ka përmbytur lokalin duke u shërbyer klientëve. Të gjithë të veshur me çizme. Në video shihen njerëz që vazhdojnë të hyjnë në lokal ndërsa tryezat janë mbushur.