Diçka të tillë e vërteton një foto e publikuar në SnapChat nga Ledri. Por as Dafina nuk ka mbetur pas. Ndërkohë që reperi 29 vjeçar ka publikuar foton në të cilën yjet e hitit “Got ur Back” dalin përkrah njëri-tjetrit, Duffy’e ka nxjerrë një imazh të Ledrit duke pirë një birrë. Fotot janë shkrepur në Belgjikë ku artistët kanë darkuar së bashku pasi performuan në një koncert.

Ç’është e vërteta, ata nuk kanë pushuar kurrë së qëni miq dhe kanë ruajtur vazhdimisht marrëdhënie të mira, duke e mbështetur njëri-tjetrin edhe në promovimin e klipeve të rinj, por një pamje të tillë nuk e kishim parë prej kohësh.

Duket i vështirë një ribashkim si çift, tashmë që, si Ledri ashtu dhe Dafina janë të dy të lidhur, megjithatë duhet pranuar se ngjajnë bukur bashkë. Por gjithsesi na vjen mirë që për një herë të vetme një çift vipash pas ndarjes nuk hedh baltë në kurriz të tjetrit, madje ruan ndjenjat pozitive duke i kthyer në miqësi. Një pamje që shpresojmë ta shohim edhe me emra të tjerë të botës së spektaklit.