Publikohen disa fotografi nga momenti i grabitjes së rreth 7 milion eurove nga bordi i avionit në pistën e Aeroportit të Rinasit.

Në foto duket punonjësi me jelek të verdhë i kompanisë së transportit të parave, i cili mban duart lartë, si dhe dy prej autorëve.

Një nga autorët duket i veshur me uniformë ushtarake dhe mban në duar një armë tip kallashnikov, ndërsa autori tjetër duket i veshur si polic, me jelek të zi dhe këmishë blu. ky person ka vendosur maskë prej gome në fytyrë dhe syze.

Ky i fundit dyshohet të jetë personi që mbeti i vrarë gjatë shkëmbimit të zjarrit me policinë, për shkak të ngjashmërisë si në veshje dhe në fizik.