Imazhet tregojnë vrasësin, i cili kishte lindur në Britani dhe punonte si mësues anglishteje, të qëlluar për vdekje jashtë Dhomave të Parlamentit. Daily Mail tregon se ai u lind nën emrin Adrian Elm në dalje të Londrës përpara se të konvertohej në fenë muslimane. Më pas kaloi 4 vite duke dhënë mësim në Arabinë Saudite, ku mendohet se mund të jetë radikalizuar. Bëhet me dije nga autoritetet e Scotland Yard se Masood kishte një listë të gjatë me krime nën emrin e tij, por nuk ishte dënuar kurrë për akte terroriste. Në një sulm në vitin 2003 ai i kishte ngulur një thikë në fytyrë një personi. ISIS ka marrë përgjegjësinë për sulmin, duke thënë se vrasësi ishte një “ushtar i Shtetit Islamik”.