Kjo pjesë duket se nuk është aspak në diskutim, të paktën tani për tani. Çifti i parë i formuar gna shtëpia e beqarëve duket se e shikojnë të ardhmen bashkë dhe shpeshherë bëjnë plane për jetën e tyre pas daljes nga Big Brother. Në këtë pikë ata mendojnë se as humbja e çmimit të madh nuk do të dëmtonte marrëdhënien e tyre, gjë që ka ndodhur me çifte të tjera kur kanë dalë jashtë. Në diskutimin që shtroi Fotinia nëse nuk fitojnë çmimin, Danjeli nuk dukej aspak i shqetësuar duke thënë se “nuk ka problem që na dal”. Madje ai shkon edhe më larg, duke konsideruar edhe sakrificat vetëm që ta mbajnë marrëdhënien e tyre në këmbë: “Do e gjejmë një rrugëzgjidhje. Mund të punojmë edhe me dy turne, e stakojmë trurin 2-3 vjet”.