Një 32-vjeçare ka humbur jetën në rrethana të paqarta mbrëmjen e sotme në fshatin Melgushë të Shkodrës. Jozefina Çefaj ka qenë në një dasmë në këtë fshat por nuk është ndjerë mirë nga ana shëndetësore.

Edhe pse është tentuar t’i jepet ndihma e parë, pasi në vendin e ngjarjes ka mbërritur një ambulancë, 32-vjeçarja nuk ka mundur të mbijetojë. Policia ka mbërritur në vendin e ngjarjes. Nuk dihet nëse vdekja ka ardhur nga shkaqe natyrale apo nga një helmim i mundshëm nga ushqimi që ka konsumuar në dasmë, por dyshimet e para janë nga infarkti.