Është sërish mjaft i kërkuar nga mediat, tranjeri i kombëtares Gianni De Biasi. Pas fitores së bujshme ndaj Maqedonisë trajneri i Kombëtares shqiptare, Gianni De Biasi është në qendër të vëmendjes të medieve ndërkombëtare.

I pyetur nga mediat italiane, trajneri i Shqipërisë, pranon të flasë për shanset e Kombëtares për të shkuar në Botëror.

“Kemi 10 për qind mundësi dhe duhet t’i shfrytëzojmë, thotë ai, nëse do t’ia dilnim, ku i dihet, ndoshta do t’i vendosin emrin tim stadiumit të ri të Tiranës”.

“Nxora disa mësime nga Evropiani, vazhdon De Biasi, edhe skuadrat e vogla mund të bëjnë gjëra të mëdha, si p.sh., Islanda. Shqipëria po ashtu luajti shumë mirë, dhe jam I lumtur për komplimentet e kryeministrit Rama. Le ta nisim punën tonë nga këtu”.

Shqipëria ka po aq pikë sa Spanja dhe Italia, dhe nëse fiton me Lihtenshtajnin mund të dalë në krye të grupit, pasi spanjollët dhe italianët ndeshen mes tyre.