Tensionohet situata në Kuvend. Deputeti i Partisë Demokratike Flamur Noka i është afruar deputetit Braçe në vendin e tij duke e goditur me një letër . Në fotlore ka qenë ish kryeministri Sali Berisha kur në një moment deputeti Flamur Noka i është afruar deputetit Erjon Braçe. Ky i fundit po replikonte nga vendi me deputetin Berisha i cili po hidhte akuza të ashpra ndaj qeverisë si të lidhur me krimin. Gjesti i deputetit Noka ka shkaktuar debate dhe sherr në sallën e kuvendit ndërsa nënkryetarja Valentina Leskaj ka kërkuar që ai të dal nga salla. Për këtë janë dhënë 5 minuta pushim gjatë seancës. Fill pas këtij incidenti deputetët e Partisë Socialiste kanë kërkuar përjashtimin e Nokës.