Aulona Musta është një nga gazetaret më të njohura e më të komentuara që flet gjithnjë pa dorashka dhe thumbon personazhet e famshëm të showbizit shqiptar. Ajo është shumë aktive në Instagram ku publikon foto e video të ndryshe nga përditshmëria e saj dhe jo rrallë herë ndodh që kapet me fansat.
Së fundmi, ajo ka publikuar një video në Instagram, teksa kërcen në plazh.
Nën tingujt e këngës latine "Me niego", Aulona ka treguar se është në formën e saj më të mirë.
"Kontrollojme nje here majtas djathtas se mos po na shikon njeri, pastaj vazhdojme per qejf", shkruan ajo bashkangjitur videos.
Ndër shumë komente, bie në sy komenti i një ndjekëse, që i shkruan "Ik moj debile sa po të pelqen vetja". Aulona nuk ka nguruar t'i kundër përgjigjet, duke i shkruar "nuk thua shyqyr, imagjino po mos te me pelqente, do kisha perfunduar si ty".
Më tej, ndjekësja i shkruan se ajo del si një larask në video, "po mi ajvane po dil si larask ti u bere ti". Por moderatorja e 'revoltuar' nuk e ka lënë me aq, "me siguri doje te thoje hajvane, po ngaqe nuk e do veten, ke mbetur edhe injorante pervecse shpirtzeze.".
14 Dec 2024 
