Teksa premtoi rrugën e Arbrit, Rama iu drejtua banorëve se librat do t’iu jepen falas me kusht që të kthehen sërish dhe bëri të qartë se të gjithë punonjësit e administratës do të kalojnë në skaner.

“Na duhet kohë dhe koha është mandati ynë i dytë dhe në rrugën e këtij mandati do t’i shikoni vetë ndryshimet që do të ndodhin. Të gjithë ata që janë punësuar në administratën qëndrore do të kalojnë nëpërmjet skanderit. Kush nuk ka aftësi nuk do të qëndrojë më në atë vend pune.

Do vazhdojmë të bëjmë lehtësimin e burokracisë duke ulur numrin e licencave, vërtetimeve dhe do rrisim nurmin e shërbimeve online. Kemi krijuar një instrument që funksionon por ka nevojë për besimin e njerëzve. Regjistrohuni online dhe qeveria do të merret me ty drejtpërdrejt.’, tha Rama.