Deklaratat e një ditë më parë të kreut të opozitës, u cilësuan si nxitëse për dhunë. Ndaj policia e Tiranës ka dërguar në Prokurori materialet për Lulzim Bashën.

Mësohet se materialet e dërguara në prokurori kanë të bëjnë me thirrjet për veprimet e dhunshme.

Vetëm një ditë më parë Basha shpërtheu në ‘Çadrën e Lirisë’ dhe nxiti qytetarët të reagojnë dhunshëm ndaj institucioneve shtetërrore teksa tha:  “Doni luftë, luftë do ketë! Nuk do të gjeni vrimë miu për tu futur dhe ju bëj thirrje të merrni përgjegjësitë. Qëllojini ata me grushte, anë e mbanë Shqipërisë për çdo padrejtësi, reagoni! Tërhiqini zvarrë ata. Koha kur populli trajtohet si dele po merr fund. Tërheqje nuk ka, kjo është kauza se ne do ta fitojmë”.