S’kanë kaluar ende 24 orë nga dalja e një skeleti në plazhin e Ranës së Hedhun në Shëngjin dhe ka dalë në pah emri i një burri nga Korça. Skeleti dyshohet se mund të jetë i Nezhdet Gurës, në atë kohë 57 vjeç nga Korça. Një dyshim të tillë e hedh motra e tij Lirika Peqini, e cila ka treguar dhe një histori.
“Vëllai u nis para 20 vitesh për vizitë tek vajzat e tij në Lezhë dhe që prej atëherë humbi çdo kontakt.”
Skeleti që sipas mjekësisë ligjore mund të jetë të paktën 20 vite i vjetër aktualisht ndodhet në Tiranë ku po vazhdojnë ekzaminimet e nevojshme që mund të zbulojnë identitetin e tij.