Këngëtarja 26 vjeçare dhe dizajneri kanë shkëputur marrëdhënien e tyre katër muaj pasi nisën lidhjen, raporton People. Një burim tha se dizajneri nuk ishte një shoqërues i matur. Demi dhe Henry u lidhën fillimisht në nëntor pasi u panë në darkë në një restorant sushi në Los Angeles, shumë shpejt pasi Demi doli nga rehabilitimi.

‘People’ shkruan se edhe Henry ishte i varur dhe abuzonte me lëndët narkotike dhe se Demi vendosi që më mirë t’i jepte fund kësaj lidhje dhe të mbante afër vetes njerëz që e shtynin drejt gjërave të mira dhe pozitive.

Demi thuhet se kohëve të fundit kërkoi sërish trajtim në një qendër rehabilitimi jashtë Los Angeles. Këngëtarja tani është kthyer në shtëpi në LA dhe po kujdeset për veten.