Denar biba bën një hap pas lidhur me audio përgjimin e publikuar pak ditë më parë. Nënkryetari i KQZ-së, Denar Biba ndryshon qëndrim gjatë një prononcimi për median. Një ditë pasi Gjykata e Strasburgut konfirmoi 'qasjen e papërshtatshme" të takimit mes Bibës dhe Ledi Bianku, Denar Biba pranon se biseda e tij ka qenë për shtyrjen e çështjeve të pronave por thotë se Bianku nëse i dukej qasje e papërshtatshme mund ta kishte ndërprerë bisedën
Denar Biba:
"Siç tha vetë Gjykata e Strasburgut, unë kam takuar gjyqtarin dhe i kam kërkuar që të na asistonte në lidhje me një kërkesë të shtetit tonë për të mundësuar shtyrjen e afatit të ekzekutimit të një vendimi që në atë kohë, kur qeveria sapo ishte krijuar, do të vinte në pozitë shumë të vështirë financat. Bianku e ka konsideruar bisedën me mua si qasje të papërshtatshme. Gjykata pranon referimin e anëtarit të saj për qasje të papërshtatshme, por jo për ndikim dhe aq më pak për shantazh. Ishte bisedë normale mes dy miqsh, që për fat të keq gjyqtari e ka referuar si qasje të papërshtatshme. Më vjen keq që nuk ma tha në sy dhe ta ndërpriste bisedën në moment”, shtoi Biba.