Një ngjarje jo shumë e zakontë ka ndodhur në zemër të Tiranës pranë, Maternitetit Mbretëresha Geraldinë, ku një nënë me foshnjën e saj nuk ka mundur të kalojë dot në pjesën tjetër të trotuar, pasi është bllokuar nga një makinë. Foto flet qartë se makina ka bllokuar totalisht trotuarin e mesit të rrugës që të çon drejt ish stacionit të trenit. Nëna thotë se e ka të qartë që në rrugë s’mund të rrezikojë të kalojë po tani po rrezikon dhe në trotuar. Me sa duket shoferi ka dashur o të kalojë rrugën në këtë formë të shkurtër dhe të paligjshme ose e ka përdorur si vendparkim.
Pra çuditë e pazakonta deri dhe të rrezikshme në vendin tonë s’kanë fund!