Marina Vjollca është një ndër moderatoret më të njohura shqiptare dhe shumë e dashur për publikun. Mirëpo prej muajsh të tërë ajo nuk është shfaqur në televizion duke drejtuar ndonjë emision dhe i fundit ishte “C’est la Vie”, ku personazhe të famshëm të botës së ekranit shqiptar sfidonin veten duke kënduar live.

E ndërkohë që të gjithë fansat e saj po prisnin rikthimin e Marinës në shkurt të 2019-ës në një projekt të ri me talente të fushave të ndryshme, mesa duket kjo nuk do të ndodhë.

Burime për “iconstyle.al” zbulojnë se ky emision është vënë në pikëpyetje nga drejtuesit e këtij televizioni. Bashkëshorti i moderatores, Getoar Selimi do të ishte pjesë e jurisë së spektaklit. Por mësohet se drejtuesit e “Klan” nuk kanë rënë dakort me kushtet e vendosura nga reperi për të qënë pjesë e jurisë. Për këtë arsye, është anuluar krejtësisht projekti i ri dhe Marina ka mbetur pa emision!