Maxhoranca ka votuar sot dekretet e presidentit për shkarkimin e 7 ministrave dhe zëvendës kryeministrit dhe emërimin e ministrave të rinj.

Të gjithë dekretet janë votuar me 77 dhe 76 vota nga maxhoranca pasi opozita ka bojkotuar seancën e jashtëzakonshme për shkak se nuk i është dhënë fjala.

Seanca është karakterizuar nga tensionet pasi ish kryeministri Sali Berisha ka tentuar të marrë fjalën.

Ajo që ka rënë në sy gjatë kësaj seance është prezenca e ministrave të rinj në lozhat, ndërkohë që në karriget në fund të sallës kanë qëndruar edhe ministrat e shkarkuar nga Rama.

Presidenti Ilir Meta nuk ka dekretuar ende shkarkimin e Ditmir Bushatit, dhe emërimin në postin e ministrit të Jashtëm, të kryeministrit Edi Rama.