Detaje të reja zbulohen nga atentati i bërë në Shkodër ku mbeti i plagosur biznesmeni Xhecat Vataksi.

Sipas policisë ngjarja ka ndodhur në njësinë Bërdicë të Shkodrës në rrethana ende të paqarta. 60-vjeçari, i cili ishte pronar i një kompanie ndërtuese u dërgua menjëherë në spital dhe aktualisht ndodhet jashtë rrezikut për jetën.

Sakaq, vetëm pak më parë u bë i mundur identifikimi i autorit të ngjarjes, që është shtetasi me iniciale A.L 43-vjeç, i cili është shpallur në kërkim nga autoritetet.

Njoftimi i plotë

Me datë 05.05.2018 ora 12.30 jemi njoftuar se në fshatin Darragjat Shkodër, ka ndodhur plagosje me armë zjarri, ku ka mbetur i plagosur shtetasi Xh. V. 60 vjeç.

Menjëhere jane vënë në levizje të gjitha shërbimet e policisë duke rrethuar zonën dhe duke bërë krehjen e zonës për të bërë të mundur identifikimi dhe po punohet për kapjen e autorit, shtetasit A. L. 43 vjeç, banues në fshatin Berdicë.

Shtetasi Xh. V është dërguar në Spitalin Rajonal Shkodër, i cili ka marr plagë në kembë, momentalisht ndodhet jashtë rreziku për jetën

Në vendngjarje ndodhet grupi hetimor nën drejtimin e Prokurorisë Rrethit Shkodër për sqarimin e rrethanave të ngjarjes.