Detaje të reja zbardhen nga krimi makabër që tronditi qytetin e Shkodrës mëngjesin e sotëm.

Ekzekutimi i dy të rinjve, ish inspektorit,32-vjeçari Boran Bercana dhe bashkëshortes së tij 22-vjeçarja Silvi Ndoci, mendohet se është bërë në orët e para të ditës së diel në momentin që çifti sapo kishte hipur në makinë.
Në momentin e krimit bashkë me çiftin ka qenë dhe fëmija 1 vjeç, i cili ka qenë në prehrin e nënës por që fatmirësisht ka shpëtuar.

Ndërsa viktimat kanë gjetur vdekjen e menjëhershme nga plumbat.

Në vend ngjarje policia ka gjetur rreth 20 gëzhoja.

Viktima njihej për profesionin e tij si Inspektor Krimesh në Shkodër, por që 6 muaj më parë kishte lënë me dëshirën e tij punën.

Policia dyshon se krimi është realizuar nga dy persona të maskuar dhe profesionist, për shkak të saktësisë së gjuajtjeve.

Në shënjestrën e tyre nuk ka qenë vetëm ish polici por dhe bashkëshortja e tij, për të zhdukur në këtë mënyrë çdo dëshmitar.

Policia ka shoqëruar disa persona për ngjarjen, gjithashtu ka sekuestruar dhe pamjet nga kamerat e sigurisë të disa bizneseve për të hedhur dritë mbi ngjarjen.