Detaje të reja kanë dal në dritë nga vrasja që tronditi vendin ditën e djeshme, kur një grua vrau bashkëshortin e saj me 4 plumba.

Familjarët e saj flasin të shokuar për ngjarjen dhe nuk e dinin se Violeta mbante armë.

Sipas tyre 35-vjeçarja kishte probleme të vazhdueshme në shtëpi dhe se kishte shenja dhune në trup.

"Violeta e kishte vendosur të ndahej nga bashkëshorti i saj dhe ishte nisur për tek shtëpia e saj në Rrëshen. Violeta ishte nisur për të marrë vajzën dhe rrobat. Ajo kishte marrë kunatën ta ndihmonte t’i mbante", deklarojnë familjarët e saj.

Vrasja e rëndë ndodhi ditën e djeshme në orën 7 të mëngjesit në tregun e Milotit, ku Violeta Donaj qëlloi me katër plumba bashkëshortin e saj duke e lënë të vdekur në vend.

Shkak për këtë krim të rëndë dyshohet tradhtia e viktimës.