Zgjidhja e çështjeve të mbetura pezull prej dekadash mes Shqipërisë dhe Greqisë duhet të marrin zgjidhje. Ministri i Jashtëm grek, Nikos Kotzias, është shprehur optimist në lidhje me negociatat e zhvilluara së fundmi me palën shqiptare për kufirin detar duke thënë se tashmë pas dy vitesh bisedime janë pjekur kushtet për zgjidhjen e problemeve të mbetura pezull mes dy vendeve.
Deklaratën kreu i diplomacisë greke e ka bërë në një intervistë për gazetën vendase “Documento”.
Nikos Kotzias:
“Me këto dy vende fqinje kemi problemet që lidhen me historinë, kulturën, trashëgiminë. Ndërsa me Turqinë problemet janë më “të ashpra”, lidhen me interesat tona gjeopolitike dhe gjeostrategjike”.
Kreu i diplomacisë greke Nikos Kotzias ka kritikuar qëndrimet kundërshtuese të opozitës greke në lidhje me bisedimet me Shqipërinë dhe Maqedoninë, duke thënë se partitë kundërshtare të qeverisë helene nuk duan zgjidhjen e këtyre problemeve historike të mbartura me vendet fqinje.
Bisedimet mes Shqipërisë dhe Greqisë për paktin detar janë në pritje të formatimit të ekipit përfaqësues të Tiranës zyrtare.