U arratis bashkë me paratë e zarfeve të dasmës duke braktisur banketin e dasmës, për t'u argëtuar për herë të fundit. Kjo ndodhi në një restorant në Trecase, në provincën e Napolit, ku martesa përfundoi në një luftë midis të afërmve. Dhëndri, një ushtar romak u zhduk për katër orë, ndërsa të gjithë mysafirët, duke përfshirë edhe nusen, një grua nga Torre del Greco, pyesin se ku ndodhej. Njeriu, i cili është martuar për vetëm 24 orë, ka vendosur të marrë një pushim të vogël nga martesa e sapo filluar dhe të shpenzojë një pjesë të mirë të parave që të ftuarit i kishin dhënë çiftit për ditën e madhe. Kur u kthye në restorant ndërsa banketi vazhdonte, xhaxhai i nuses e sulmoi verbalisht për vjedhjen. Burri i ri, i cili nuk i ka mirëpritur akuzat, u përgjigj me të njëjtën gjuhë  dhe të dy përfunduan duke u rrahur. U desh që të afërmit  e tjerë të ndërhynin për t'i ndarë ata. Oficerët e zbatimit të ligjit të thirrur nga pronarët e objekteve gjithashtu arritën në vend. Policia nxiti ankesën për të dy "duelistët" dhe dhëndri, i plagosur, ja hodhi me tri ditë raport mjekësor.