Është tensionuar situata gjatë orëve të pasdites në Peqin. Sipas të dhënave sekretari i qendrës së votimit të fshatit Fatish në Peqin është dhunuar, duke bërë që procesi i votimit të ndërpritet.
“Ishin 5-6 persona për të votuar, në momentin kur hynë disa persona jo të qendrës sonë të votimit. I kërkova të mos futeshin brenda kur më goditën. Nuk ishin banorë të fshatit”, tha sekretari, i cili është përfaqësues i Partisë Demokratike.
Ndërkohë uniformat blu po marrin në pyetje personin e dhunuar dhe dëshmitarët e këtij incidenti.