Një 29 vjeçar është arrestuar nga policia e Korçës pasi akuzohet se ka ushtruar dhunë fizike ndaj nënës dhe vëllait të tij 15 vjeçar.
Policia njofton se ka arrestuar shtetasin Elton Zyberi, 29 vjeç, banues në Korçë.

“Arrestimi i tij u bë pasi më datë 01.08.2017, dyshohet se ky shtetas për motive të dobëta, ka ushtruar dhunë fizike ndaj nënës së tij shtetases L.Z, 52 vjeçe, si edhe ka goditur me sende të forta vëllain e tij (nga nëna) shtetasin P.S, 15 vjeç, i cili ka marrë mjekim në Spitalin Rajonal të Korçës, ku ndodhet jashtë rrezikut për jetën” - njofton policia.