Dhuna në familje ka çuar në pranga një 44 vjeçar nga Lushnja. Mësohet se 44 vjeçari Ilir Haka ka ushtruar dhunë fizike dhe psikologjike ndaj babait të tij të moshuar, 82 vjeç.
44 vjeçari nga fshati Halilaj i Lushnjes është arrestuar pas denoncimit, se ushtrontë dhunë prej kohësh ndaj babait të tij të moshuar.
Njoftimi i Policisë:
“Specialistët për Krimet në Komisariatin e Policisë Lushnje arrestuan në flagrancë shtetasin Ilir Haka, 44 vjeç, banues në fshatin Halilaj, Lushnje.
Arrestimi i këtij shtetasi u bë pasi në banesë ka ushtruar dhunë fizike dhe psikologjike ndaj babait të tij shtetasit U.H, 82 vjeç.
Materialet i kaluan Prokurorisë pranë Gjykatës së Shkallës së Parë Lushnje për veprën penale "Dhunë në familje" parashikuar nga Neni  130/a i Kodit Penal”.