Kanë marrë fund të gjitha spekulimet për mundësinë e largimit të Paulo Diabalas nga Juventusi. Sot, sportivja “Tuttosport”, ka shkruar se “gjithçka ka marrë fundi, Dybala nënshkruan të mërkurën me gjigantin europian”.

Paulo Dibala do të nënshkruajë për Juventusin të mërkurën, duke rinovuar kontratën me kampionët e Italisë. Ende nuk janë zbuluar detajet e kontratës, por thuhet, se bëhet fjalë për një rinovim deri në vitin 2021.

Dibala do të përfitojë me shumë mundësi një pagë prej 7.5 milionë eurosh, aq sa paguhet edhe Higuain, duke u bërë lojtarët më të paguar në Serinë A.