Mbrojtësi i Atletiko Madrid, Godin ka thyer 3 dhëmbë pas përplasjes me portierin  Neto të Valencia-s.

Lojtari u largua menjëherë nga fusha e lojës ku më pas iu nënshtrua një operacioni.Por gjëja më interesante është se stafi mjekësor i klubit ka urdhëruar specialistët e dhëmbëve që të ktheheshin në zonën ku ndodhi përplasja me portierin për të kërkuar dhëmbët e thyer. Arsyeja është se kur dhëmbët janë të thyer ndonjëherë është e mundur që ndonjëri të rikuperohet.

Nuk dihet nëse stafi arriti të gjejë dhëmbët e Godin pas përfundimit të ndeshjës pasi dëbora e madhe ua ka bërë punën shumë të vështirë.