Zjarri që ra në orët e para të mëngjesit të sotëm në një banesë në qytetin e Shkodrës i ka marrë jetën një të moshuare.

Mësohet se Laje Betja, 80 vjeçe humbi jetën në ngjarjen e rëndë që ndodhi në rrugicën e njohur si e Koplikëve në kryeqendrën e veriut.

Megjithëse është tentuar t’i jepet ndihma e parë të moshuarës, zjarrfikësja dhe mjekët e kanë pasur të pamundur pasi flakët kanë shkrumbuar banesën.

Zjarri nuk ka qenë i përmasave të mëdha, por dyshohet se e moshuara mund të ketë qenë e sëmurë dhe nuk ka mundur të lëvizë.

Trupi i 80-vjeçares me pak djegie është gjetur në divanin që është përfshirë nga flakët dhe është dërguar në morgun e spitalit.