Altin Dajçi dhe pasagjeri që ndodhej me të Rades Musa, janë arrestuar nga policia pasi u është gjetur një sasi prej 4.6 gramë kokainë e ndarë në qese të vogla. Personat dyshohen se po fillonin sërish  aktivitetin e tyre kriminal, “shpërndarje droge”.

Policia e ka bërë shumë lehtë arrestimin e tyre pasi personat në fjalë ishin në mbikëqyrje nga policia. Ata janë kapur me një makinë të tipit “benz”, në rrugën e Barrikadave. Policia menjëherë pas ndalimit të tyre ka bërë kontrollet e nevojshme dhe ka gjetur lëndën narkotike.

Personat janë shoqëruar në komisariat ku pritet të bëhen verifikimet e nevojshme.