Dihet se mes Luana Vjollcës dhe Bora Zemanit ka patur një shoqëri të fortë prej disa vitesh, mirëpo sic duket vajzat nuk i ruajnë më të njejtat raporte, për arsye nga më të ndryshmet.

Gjatë kohës që Bora ishte në qendër të vëmendjes për shkak të lidhjes që Donaldi krijoi me Beatrix brenda shtëpisë së Big Brother, Luana ishte një ndër personazhet e shumtë që i tregoi mbështetjen. Me anë të një postimi në Instagram, ajo postoi një foto me nënshkrimin ''Me Borën''.

Mirëpo ky postim nuk gjendet më në profilin e Luanës, pasi moderatorja ka vendosur t'a fshijë. Ndoshta arsyeja është fakti që Luana është afruar shumë me Beatrix, pasi kujtojmë që pak kohë më parë këngëtarja ka qenë pjesë e një video live të Luanës, ku ka folur për bullizmin ndërsa tani janë të shpeshta komentet dashamirëse ndaj njëra-tjetrës.

Nga ana tjetër mes Luanës dhe Borës u përfol për një kopjim pak kohë më parë, përsa i përket performancës hyrëse të Borës në Dancing With the Stars, e cila ishte e njejtë me atë të Luanës në Shiko Kush Luan.

Gjithashtu së fundmi Donaldi ironizoi Luanën në lidhje me klikimet e shumta në emision, por Luana s'ia përtoi përgjigjen dhe në mbrojtje i doli Beatrix me një koment në rrjetet sociale.