Nëse përmendim “Air Force One”, shumëkush prej nesh di të përgjigjet me të parën se bëhet fjalë për avionin personal të Presidentit të Shteteve të Bashkuara të Amerikës.

Avioni më i famshëm në botë, gjithsesi ka edhe disa sekrete, ose më saktë fakte të patreguara për publikun e gjerë.

1.Sipërfaqja prej rreth 370 metrash katrorë – “Air Force One” është më shumë sesa thjesht i madh. Po, është mjaftueshëm i madh sa për të qenë një shtëpi, që ofron hapësira për të gjithë zyrtarët qeveritarë, gazetarët, bagazhet e cilitdo prej tyre, veçanërisht të Zonjës së Parë.

2. Ai është trikatësh –Presidenti futet në katin e dytë, ndërsa gazetarët qëndrojnë në katin e parë.

3. Jo një, por dy “B747” për Presidentin e SHBA – A e dinit se ekzistojnë dy avionë “Air Force One”? Epo mësojeni, nëse jo. Avioni i dytë “747-200B” zakonisht ndjek atë të parin dhe ofron mbulim rezervë. Presidenti mund të udhëtojë me cilindo prej tyre, në varësi të situatave.

4. Një minispital në bord – Nëse dikush në bordin e avionit do të pësojë ndonjë dëmtim apo sëmundje të papritur, në gatishmëri është një staf i tërë mjekësor që ofron shërbime të ndryshme.

5. Sa i shpejtë është “Air Force One”? – “Boeing 747” është i aftë të fluturojë me shpejtësi mbi 650 milje në orë (mbi 1.000 km/h). Ai besohet të ketë fluturuar edhe më shpejt sesa 700 milje në orë (mbi 1.100 km/h) në të kaluarën.

6. A është “Air Force One” rezistent ndaj një sulmi bërthamor? – Sigurisht! “Air Force One” është njëkohësisht edhe një fortesë mbrojtjeje antibërthamore.

7. I pakapshëm nga radarët – Kur njerëzit e përshkruajnë “Air Force One” si një “Shtëpi e Bardhë në fluturim”, kjo vjen për shkak se avioni është si një tank.

8. Sa persona mund të ngjiten në bordin e “Air Force One”? – Deri në 70 persona mund të udhëtojnë njëkohësisht në momentin e ngritjes së tij për fluturim.

9. Hapësira ajrore përreth aeroportit bllokohet disa minuta përpara se “B747” të mbërrijë, e deri në disa minuta pas uljes së tij.

10. Barra për taksapaguesit – Kostot e mirëmbajtjes së “Air Force One” janë tejet të larta. Presidentit mund t’i kushtojë ndoshta më shumë se 250 mijë dollarë një udhëtim i shkurtër brenda Amerikës