Ajo nuk mban një fustan përrallor dhe as nuk jeton në kështjellë. Moana është princesha e një fisi tropikal i cili jeton duke lëvizur në mënyrë të vazhdueshme. Në udhëtimet e saj do t’i bashkohet gjysëmzoti dhe heroi i filmit, Maui, i cili do të mbajë zërin e Dwayne “The Rock” Johnson. Traileri sapo është publikuar dhe në të shfaqet Maui, i cili me tregimet e tij mitike lë pa fjalë Moanan bukuroshe, bashkë me derrkucin e saj të vogël. Ndërkohë filmi bashkë me peisazhet e tij shumëngjyrëshe pritet të dalë në ekranin e madh në nëntor të këtij viti. Fundi i vjeshtës duket se do ju gjejë duke lundruar në ishuj ekzotikë.