Një i ri nga Kosova ka rënë në pranga të policisë pasi u fut i armatosur në banesën e një vajze nga Shkodra. 23-vjeçari Besnik Hyseni nga Vushtria e Kosovës ishte fiksuar keq pas vajzës dhe nuk e pranonte dot refuzimin e saj. Me pistoletë në dorë ka hyrë në banesën e saj në mes të natës duke e kërcënuar se nëse ajo nuk e pranonte do ta vriste. Vajza ka njoftuar menjëherë policinë, e cila prangosi të riun duke shmangur një ngjarje që mund të kishte pasoja të rënda. “Arrestimi i të riut u bë pasi rreth orës 2:00 ka hyrë me një armë, pistoletë, në oborrin e banesës së shtetases A. G. e cila ka telefonuar Policinë. Falë reagimit të shpejtë të Policisë, është arrestuar në flagrancë brenda banesës së shtetases së lartëpërmendur, ku ju gjet edhe arma e zjarrit, pistoletë Zastava”-thuhet në njoftimin e Policisë.