Ka patuar një sërë trendesh për bukurinë në rrjetet sociale, por ky i fundit mesa duket i ka kaluar kufijtë.

Rrjetet sociale janë bërë një pjesë e pandarë e jona dhe fatkeqësisht e kemi shumë të vështirë të ndahemi nga to. Pavarësisht se na marrin shumë kohë dhe janë bërë pothuajse të gjitha njësoj, prapë i kushtojmë një rëndësi shumë të madhe.

Është bërë e zakonshme tashmë në të gjithë botën që një stil i veçantë, të kthehet në trend nëpërmjet rrjeteve sociale, sidomos Instagram-it, rrjetit më të madh të shpërndarjes së fotografive. Dhe tani nuk duhet të lodheni shumë për të realizuar foton perfekte, sepse nuk do të jetë më në modë të jesh perfekte.

Strija, puçra, probleme të tjera të lëkurë apo çdo lloj imperfeksion që mund të keni, bëjini njē foto dhe postojeni në llogarinë tuaj në instagram. Mund t’ju tingëllojë çuditshëm, por trendi më i ri i rrjetit social më të përdorur në botë është pikërisht ky: çdo parregullsi e ndajmë me gjithë botën.

E bëri Kim Kardashian, Justin Bieber, Bella Thorne… po e bëjnë edhe blogeret, do e bëni edhe ju?!